《由開Whatsapp group開始，已註定我愛上她》(40)
她終於問這一句，突如其來的主動把已枯乾多時的我重新注滿生命，
但我卻不以為奇，純友誼不會讓我獻這麼多時間給妳吧，
她察覺我的心意才正常不過。
我不驚訝，只是有點感動，有苦盡甘來的感覺。
這一刻，我也再不需把心門緊掩，只管盡訴心中情。
我：「係，我好耐之前就鍾意左妳！」
霖：「但係我有男朋友...」
我：「所以我無做任何野，只係收埋自己係一二角度等...」
霖：「其實我一早都Feel到，我同你一齊既時候好舒服，所以我先係唔開心既時候搵你陪我。」
我：「但係之後就扔低我，又剩低我一個人...」
霖：「我知我好自私...」
我：「唔緊要！係我自願，雖然之後係好失落，但係我起馬叫做有機會...好過見都無得見。」
霖：「你好傻...我覺得自己真係好衰！我知道你個時對我好...」
我：「唔係只係個時，依家都係！」
霖：「但係我個時個心仲係佢度，我唔可以接受你，佢好介意我同男性玩得埋...我已經激嬲左佢好多次。」
我：「我從來都無要求過任何野。」
霖：「嗚...」
她一路說，淚已經一早徘徊眼角，
也許我的默默付出終於感動到她，
她哭著緊緊的擁著我，
我一手摸著她的頭，一手捉著她的手。
終於，在這公園的明月下，
我捉起她的手，觸著這份長盼的輕柔。
這顆傷透了的心最終停泊在這個一直環繞它的孤島。
她的緊抱，使我感受到她的心意，
我也忍不著流了數滴喜悅的淚水。
我和她，站了起來，拖著手步出這個公園。
我們的淚都流完了，笑容漸漸重新掛上，
兩個都像傻頭傻腦的小孩，像剛剛買到新玩具般由心而笑。
霖：「你好傻啊...」
我：「其實我係唔係發緊夢？」
霖：「眼前既你都好似聽日就會消失咁！」
我：「我唔會！」
霖：「咁呢一個都唔會係一個夢，我都實實在在咁係你面前！」
我：「唔...嘻！」
霖：「嘻！」
十指緊口得很緊，一直扣到直到她門前，
我依依不捨得抱了她一下，她也吻了我一下，
她的背影很美，我看著看著，直至她消失於我的視線。
Search